ნაციონალური მოძრაობის წევრი, თენგიზ გუნავა დარწმუნებულია, რომ საპარლამენტო არჩევნების განმეორებით კენჭისყრაზე, რომელიც მარნეულის 48–ე უბნის გარდა, ზუგდიდის სამ უბანში იმართება, ნაციონალური მოძრაობა გაიმარჯვებს. ამის შესახებ მაინ ლაივპრესს განუცხადა:

„პირველი ტური როცა ჩატარდა, ჩვენ ფაქტიურად სამივე უბანზე ვიგებდით. სწორედ ამის გამო მოხდა ჯიხაშკარში შევარდნა და ჩაშლა და აქ კიდევ რაღაც კომიკურ სიტუაციაში აღმოვჩნდით. კომისიის თავმჯდომარე და მდივანი გაიპარა ადგილიდან. ასე რომ, განმუხური და ჯიხაშკარი თავის სიტყვას იტყვის. „ნაციონალურ მოძრაობას“ აქვს აქ მყარი დასაყრდენი, იმიტომ, რომ გაუკეთებია საქმე“.

8 ოქტომბერს, ხმის დათვლის დროს, სოფელ ჯიხაშკარის 66-ე ოლქის 79-ე და 108-ე საარჩევნო უბნებზე გაურკვეველი პირები შეიჭრნენ და დაარბიეს, ხოლო განმუხურის 38–ე უბანზე დაფიქსირდა მნიშვნელოვანი დარღვევები, რის გამოც არჩევნები იქაც ჩაიშალა.

ზუგდიდის სამი უბნის გარდა, 8 ოქტომბერს ასევე თავს დაესხნენ მარნეულის 48–ე უბანს, სადაც პოლიციას ქვები დაუშინეს. კენჭისყრის შედეგები აქაც გაუქმდა და ხელახალი არჩევნები დაინიშნა.