მარნეულის 22-ე საარჩევნო საოლქო კომისია 48-ე საარჩევნო უბნის შედეგები გააუქმა. ინფორმაციას ამის შესახებ ტელეკომპანია იმედი ავრცელებს.

აღნიშნული უბანი არის ის უბანი, რომელზეც არჩევნების დროს მოხდა დაპირისპირება.

48-ე უბანთან დაკავშირებით საჩივარი ჰქონდა შეტანილი ერთიან ნაციონალურ მოძრაობას და არასამთავრობო ორგანიზაცია მრავალეროვან საქართველოს. მარნეულის 22-ე ოლქის კომისიის თავმჯდომარემ ტელეკომპანია იმედთან განაცხადა:

"პროცედურულ დარღვევებზეა მრავალეროვანი საქართველოს და რამდენიმე არასამთავრობო ორგანიზაციის მიერ შემოტანილი საჩივარი. სადაც ითხოვენ თავმჯდომარეების დისციპლინარულ პასუხისმგებლობას. ასევე შემოსულია ერთ-ერთი საჩივარი, სადაც ითხოვენ ერთ-ერთი მაჟორიტარი კანდიდატის რეგისტრაციიდან მოხსნას."

ხელჩართული ჩხუბი მოხდა 8 ოქტომბერს მარნეულის 48-ე უბანზე.

2016 წლის საპარლამენტო არჩევნების წინასწარი შედეგების ვიზუალიზაცია იხილეთ აქ.

თვალი ადევნეთ არჩევნებთან დაკავშირებულ მიმდინარე ამბებს ლაივ რეჟიმში.