სახელმწიფო უსაფრთხოების სამსახურის ანტიკორუფციული სააგენტოს ინფორმაციით, ქრთამის აღების ფაქტზე სსიპ დაცული ტერიტორიების საგენტოს რეინჯერი დააკავეს. უწყებაში ამბობენ, რომ მან მოქალაქეს 3500 ლარი გამოართვა ბორჯომ-ხარაგაულის დაცული ტერიტორიიდან 500 ტომარა ნაყოფიერი მიწის უკანონოდ მოპოვებისთვის.

საქმეზე გამოძიება საქართველოს სისხლის სამართლის კოდექსის 338-ე მუხლის 1-ლი ნაწილით მიმდინარეობს, რაც სასჯელის სახით ითვალისწინებს თავისუფლების აღკვეთას ვადით 6- დან 9 წლამდე.