სახელმწიფო უსაფრთხოების სამსახურმა ქრთამის აღების ბრალდებით თეთრიწყაროს მუნიციპალიტეტის მერიის ქონების მართვის განყოფილების უფროსი დააკავა.

გამოძიების ინფორმაციით, განყოფილების უფროსმა მდგომარეობის გამოყენებით, თურქეთის მოქალაქეს, თეთრიწყაროს მუნიციპალიტეტის ტერიტორიაზე არსებული მიწის ნაკვეთის იჯარით გაცემის სანაცვლოდ ქრთამის სახით მოსთხოვა და გამოართვა 1000 ლარი.

გამოძიება მიმდინარეობს სისხლის სამართლის კოდექსის 338-ე მუხლის 1-ლი ნაწილით, რაც სახელმწიფო მოხელის მიერ ქრთამის აღებას გულისხმობს. დანაშაული სასჯელის სახით 6-დან 9 წლამდე თავისუფლების აღკვეთას ითვალისწინებს.