Muzame-ს პროექტის ფარგლებში თბილისს თანამედროვე ხელოვნებისა და მუსიკის ერთ-ერთი უმნიშვნელოვანესი საკულტო ჯგუფი Psychic TV ეწვევა.

Psychic TV სახელგანთქმული მუსიკოსის, პოეტის, აქტივისტის, ოკულტისტისა და ავანგარდ არტისტის, ჯენეზის ფი-ორიჯის ბენდია. ლეგენდარულმა ჯგუფმა საფუძველი ჩაუყარა სხვადასხვა მუსიკალურ მიმდინარეობებს, მათ შორის Acid House-ს და Industrial Music-ს. მათი მუსიკა მძიმე ფსიქოდელიური ჟღერადობითა და ფილოსოფიური ტექსტებით გამოირჩევა.

ბენდის შექმნის დღიდან, ჯენიზის ფი-ორიჯი წევრებთან ერთად ახერხებდა, რომ თავისი შემოქმედებით აქცენტი უმწვავეს სოციალურ საკითხებზე გაემახვილებინა, ეს ყველაფერი კი ეპატაჟური, ზოგჯერ სკანდალური მანერით მოეხდინა. ფი-ორიჯი მუდმივად უპირისპირდებოდა პოლიტიკურ ისტებლიშმენტსა და საზოგადოებაში დამკვიდრებულ მორალურ ნორმებს. ამის გამო ის არაერთმა კონსერვატორმა პოლიტიკოსმა ის "ცივილიზაციის მტრად" მოიხსენია.

სოციალურ-პოლიტიკური განცხადებების პარალელუად, ჯენეზისი მუდმივად ექცეოდა საზოგადეობის ყურადღების ცენტრში არაორდინალური იმიჯის გამო.

მარჯვნიდან მარცხნივ: Genesis Breyer P-Orridge და მისი ცოლი Lady Jaye.

ფოტო: Laure A Leber

მუსიკოსმა და პოეტმა 1993 წელს Pandrogeny Art Project-ის ფარგლებში მეუღლესთან, Lady Jaye-სთან ერთად გადაწყვიტა ანდროგენულ არსებად, საყვარელი ქალის იდენტურ ქმნილებად ქცეულიყო. ხანგრძლივი ქირურგიული ჩარევებისა და პლასტიკური ოპერაციების შემდეგ წყვილმა მიზანს მიაღწია.

2007 წელს, მეუღლის ტრაგიკული გარდაცვალების შემდეგ ფი-ორიჯიმ მუსიკალური მოღვაწეობა დროებით შეწყვიტა, თუმცა, ბენდი რამდენიმე წელიწადში აღადგინა.

Psychic TV-ის ამ დროისთვის ბოლო სტუდიური ალბომი Alienist სექტემბერში გამოვიდა. Genesis P-Orridge თბილისს სწორედ Alienist-ის მხარდამჭერი ტურნეს ფარგლებში ეწვევა 26 ოქტომბერს და კონცერტს Bassiani Concert Hall-ში გამართავს. მსმენელისათვის ვენიუს კარი 20:00 საათზე გაიღება.