ავსტრალიელმა მუსიკოსმა სია ფერლერმა მადლიერების წინა დღეს ვალმარტში იშოპინგა და ადგილზე მყოფ უცნობების შენაძენიც თავად გადაიხადა, თუმცა კალიფორნიის მაღაზიაში ის ვერ იცნეს.

სია შესრულებების დროს ვეება შავ-თეთრი პარიკით ჩნდება აუდიტორიის წინაშე, ამიტომ გასაკვირი არაა, რომ ყველამ არ იცის როგორია ცნობილი სიმღერების შემსრულებლის სახე. როდესაც მყიდველებმა ჰკითხეს, თუ ვინ იყო, სიამ უპასუხა, რომ მას "ციცი" ერქვა და ცოტა ხნის წინ ლატარიაში ჯეკპოტი მოიგო.

თუმცა, პოპულარული მუსიკოსი რამდენიმე ფანმა მაინც ამოიცნო და მასთან ერთად სურათებიც გადაიღო.

სია ანონიმურობის არჩევის ახსნისას ამბობდა, რომ სურდა მსმენელი მის ხმასა და მოცეკვავეების შესრულებაზე მეტად კონცენტრირებულიყო, ვიდრე მის გარეგნობაზე. ცოტა ხნის წინ მან ასევე თქვა, რომ ქრონიკული ტკივილებით იტანჯებოდა.