3 დეკემბერი შეზღუდული შესაძლებლობის მქონე პირთა უფლებათა დაცვის საერთაშორისო დღეა, ამასთან დაკავშირებით 17:00 საათიდან 21:00 საათამდე ეროვნული ბიბლიოთეკის I კორპუსში (გუდიაშვილის 5), საქველმოქმედო გამოფენა-გაყიდვა გაიმართება. ღონისძიებაზე საშობაო-საახალწლო ნივთები გამოიფინება.

საშობაო გამოფენაზე შემდეგი ოთხი სოციალური საწარმო მონაწილეობს:

ბაბალე

ბაბალე გახლავთ საქართველოს დაუნის სინდრომის ბავშვებისა და მოზრდილების მშობლების მიერ დაფუძნებული საწარმო, სადაც მშობლები და ბავშვები ქმნიან კერამიკისა და ხის ნაკეთობებს.

დადარი

დადარი გახლავთ სოციალური საწარმო, სადაც ეკოლოგიურად სუფთა ხის ხელნაკეთ სათამაშოებს (ცხოველთა სამყარო, ფრინველთა სამყარო, სხვადასხვა საამწყობო და შემეცნებითი სათამაშოები, ფაზლები, ჩვილის სათამაშოები, თოჯინები, დინოზავრები) ქმნიან ინტელექტუალური განვითარებისა და ფსიქო-სოციალური საჭიროებების მქონე პირები, სოციალური საწარმოს შემოსავლის 100% მხოლოდ პროდუქციის რეალიზაციიდან აქვს, ამიტომ მათი არსებობისთვის უმნიშვნელოვანესია თითოეული გაყიდული ნივთი.

სხივი

სხივი გახლავთ სოციალური საწარმო სადაც 20 შშმ პირი განმავითარებელ სათამაშოებსა და სუვენირებს ამზადებს.

შშმ პირთა სათემო ორგანიზაცია ხელი-ხელს

ხელი-ხელს მაია შიშნიაშვილის მიერ დაფუძნებული ორგანიზაციაა, სადაც სხვადასხვა შესაძლებლობის მქონე პირები ცხოვრობენ. ხელი-ხელსგამოფენაზე წარმოადგენს გურჯაანის საცხოვრისში ამოვლებულ ჩურჩხელებს.

დაიწყეთ საშობაო განწყობის შექმნა ეროვნული ბიბლიოთეკის გამოფენის მონახულებით.