ცოტა ხნის წინ უცხოურ მედიაში გავრცელდა ინფორმაცია, რომ DC სუპერმენის როლზე ცნობილ ამერიკელ მსახიობს, მაიკლ ბი ჯორდანის კანდიდატურას განიხილავს.

კომიქსის სამყაროს მოყვარულებს მსახიობი შავ პანტერაში შესრულებული როლით დაამახსოვრდა.

სუპერმენის, ამ ერთ-ერთი ყველაზე ცნობილი გმირის როლს მანამდე ჰენრი კავილი ასრულებდა. თუმცა, 2017 წელს ფილმ Justice League-ის წარუმატებლობის შემდეგ ინფორმაცია გავრცელდა, რომ მსახიობს ამ როლზე აღარ განიხილავდნენ.

ამის მიუხედავად, რამდენიმე დღის წინ მიცემულ ინტერვიუში ჰენრი კავილმა განაცხადა, რომ სუპერმენის როლი კვლავ მას ეკუთვნის:

"არ ვაპირებ, ეს როლი ასე მარტივად დავთმო. ჯერ კიდევ ბევრი რამე მაქვს გასაკეთებელი სუპერმენის სრულყოფილი სახის შესაქმნელად".

როგორც ჩანს, ჰენრი კავილი გაანაწყენეს.

თუმცა, ფაქტია, რომ Warnes Bros. მოლაპრაკებებს სხვა მსახიობებთან აწარმოებს და მათ შორის ერთ-ერთი მაიკლ ბი ჯორდანია, რომელიც, შესაძლოა, Marvel-ის შემდეგ DC-ს სამყაროში მოგვევლინოს.

სანამ ოფიციალურად დადასტურდება, შეინარჩუნებს თუ არა ჰენრი კავილი როლს, მანამდე DC-ს კომიქსის გმირების შესახებ ისეთი მნიშვნელოვანი ფილმები გველოდება წინ, როგორებიცაა Birds of Prey ჰარლი ქუინის შესახებ და Wonder Woman 1984 — ორივე ფილმის პრემიერა 2020 წელსაა დაგეგმილი.