Lionsgate-მა Day Drinker-ის პირველი ტრეილერი გამოუშვა. ფილმში მთავარ როლებს ჯონი დეპი, მადელინ კლაინი და პენელოპე კრუზი ასრულებენ.

Day Drinker მოგვითხრობს იახტის ბარმენის შესახებ, რომელიც, ჯონი დეპის სახით, მისტიკურ სტუმარს ხვდება. პერსონაჟების შესახებ ფილმის ოფიციალურ აღწერაში ვკითხულობთ: "მალე ისინი კრიმინალური სამყაროს ქსელში გაეხვევიან და აღმოაჩენენ, რომ ერთმანეთთან ისე არიან დაკავშირებულნი, რომ ვერც კი წარმოიდგენდნენ".

ფოტო: Lionsgate

ტრეილერში ჭაღარათმიანი ჯონი დეპი ამბობს: "ჩემი ისტორია? შესაძლოა, ეს შურისძიების ამბავია. ან იქნებ რაღაც უარესიც. რა იქნება, თუ ეს ყველაფერი მოჩვენებების ისტორიაა? ან იქნებ უბრალოდ რიგითი დღის მსმელი (Day Drinker) ვარ?"

2022 წლის სასამართლო პროცესის შემდეგ Day Drinker დეპის ერთ-ერთი პირველი ჰოლივუდის ფილმი იქნება. მისი კიდევ ერთი ფილმი, Paramount-ის Ebenezer, კინოთეატრებში 13 ნოემბერს გამოდის. დეპთან ერთად, ამ ფილმით პენელოპე კრუზიც ბრუნდება ჰოლივუდში.

რაც შეეხება მადელინ კლაინს, Day Drinker მისი პირველი პროექტი იქნება Outer Banks-ის დასრულების შემდეგ. მსახიობი Netflix-ის სერიალში სარა კამერონის როლის თამაშით გახდა ცნობილი.

Day Drinker-ის პრემიერა კინოთეატრებში 2027 წლის 26 მარტს შედგება.

ნახეთ ტრეილერი: