საოკუპაციო რეჟიმის მიერ უკანონოდ დაკავებული ვაჟა გაფრინდაშვილის გათავისუფლებამდე ქართველ და უცხოელ სტუმრებს შეხსენება დახვდებათ.

"დღეიდან, ვიდრე ვაჟა გაფრინდაშვილი არ გათავისუფლდება, ეროვნულ ბიბლიოთეკის შესასვლელში, ჩვენი ინიციატივით, ეს შეხსენება დახვდება შემოსულ ქართველ და უცხოელ სტუმარს", — წერს გიორგი კეკელიძე ფეისბუქზე.

9-11 ნოემბერს ე.წ. საზღვრის კვეთის ბრალდებით საქართველოს 4 მოქალაქე დააკავეს, მათ შორის ერთ-ერთი ექიმი ვაჟა გაფრინდაშვილი იყო. დე ფაქტო სასამართლოს გადაწყვეტილებით, დაკავებულთაგან 3 პირს ფულადი ჯარიმა დააკისრეს და ე.წ. რესპუბლიკის ტერიტორია დაატოვებინეს, გაფრინდაშვილი კი დააპატიმრეს, რადგან მან საზღვრის კვეთა არ აღირა და ამბობდა, რომ საქართველოს ტერიტორიაზეა. საოკუპაციო რეჟიმმა მას ორთვიანი პატიმრობა შეუფარდა.