ენმ-ს წევრი, სერგო რატიანი პრემიერმინისტრის ინიციატივას აფასებს, რომლის თანახმადაც საქართველოს კონსტიტუციაში ცვლილებების შეტანის მიზნით სამუშაო ჯგუფი უნდა შეიქმნას:

"საკონსტიტუციო ცვლილებებს აქვს პროცედურები, რომელსაც ვერც ხელოვნურად დასმული პრემიერი და ვერც ვერავინ გადააკეთებს. ამიტომ ის უბრალოდ ჩვეულებრივ პროცედურებს იმეორებს დღეს. აქ საუბარი იმაზეა, რომ როდესაც მოიპოვებს ამის გაკეთების უფლებას, ამის გაკეთების ძალაუფლება რომ ექნება, მერე რას კითხავს, რანაირად კითხავს და რომ კითხავს, დაუჯერებს თუ არა, ამაზეა საუბარი".

რამდენიმე წუთის წინ, პრეზიდენტის ადმინისტრაციის უფროსმა, გიორგი აბაშიშვილმა კი განაცხადა, რომ გიორგი მარგველაშვილი ზემოაღნიშნული ჯგუფის შესაქმნელად მზადაა.