ეროვნული ბანკის ინფორმაციით, სააქციო საზოგადოება პროგრეს ბანკის აქციონერთა კრებამ მიიღო გადაწყვეტილება საბანკო საქმიანობის ლიცენზიის გაუქმებისა და არასაბანკო საქმიანობის განმახორციელებელ ორგანიზაციად გარდაქმნის შესახებ.

გადაწყვეტილების საფუძველზე, საქართველოს ეროვნულმა ბანკმა პროგრეს ბანკს გაუუქმა საბანკო საქმიანობის ლიცენზია და ბანკი ლიკვიდაციის რეჟიმში გადავიდა. ლიკვიდაციის პროცესში ის არასაბანკო საქმიანობის საზოგადოებად გარდაიქმნება.

2016 წლის სექტემბერში პროგრეს ბანკის აქტივებისა და ვალდებულებების დიდი ნაწილი თიბისი ბანკმა შეიძინა.

ეროვნული ბანკის შეფასებით, სრულად დაკმაყოფილდება ბანკში დარჩენილ კრედიტორთა, პირველ რიგში კი - დეპოზიტართა მოთხოვნები.