წლების წინ თუ სერიალ მეამბოხე სულების საყვარელი პერსონაჟების ხილვა ტელეკრანებზე გვიხაროდა, ამიერიდან შეგვიძლია უკვე ნეტფლიქსზე მივადევნოთ თვალი მათ ცხოვრებას.

2002 წელს გამოსული ეს არგენტინული სერიალი, რომელიც მრავალი მაყურებლის თინეიჯერობის საუკეთესო მოგონებაა, 9 დეკემბრიდან ნეტფლიქსის პლატფორმაზე გამოჩნდება. ამის შესახებ კომპანიის არგენტინულმა ფილიალმა ფეისბუქის ოფიციალურ გვერდზე გაავრცელა განცხადება:

ეს ნამდვილად სასიხარულო ამბავია მეამბოხე სულების ერთგული გულშემატკივრებისთვის: კრის მორენას მიერ გადაღებული არგენტინელი თინეიჯერების სიყვარულით, თავგადასავლებითა და ხიფათით სავსე 318 სერია კიდევ ერთხელ შეგვიძლია გადავიმეოროთ.