მმართველი პარტიის დეპუტატ მიხეილ ყაველაშვილს არ მოსწონს, რომ ტელევიზიის ეთერებში "ჩხუბი და აყალმაყალია". ტელეკომპანია პირველის ეთერით მან ყველა ტელევიზიას მიმართა, რომ "მსჯელობაზე" გადავიდნენ.

"ელემენტარული პატივისცემა გამოვიჩინოთ განსხვავებული აზრის მიმართ და დავასრულებინოთ. შეხედეთ თქვენს ეთერებს რა ხდება, ჩხუბია და რავიცი აყალმაყალი. როდის უნდა გადავიდეთ იმ რეჟიმზე, რომ ერთმანეთს აზრი დავასრულებინოთ?" — განაცხადა მან.

ამ სიტყვებიდან რამდენიმე წამში ყაველაშვილმა ნაციონალურ მოძრაობას ნაძირლები უწოდა.

"კორექტული ვიყო მათ მიმართ? ნახეთ, რეებს სჩადიან" — დაამატა მან.

პარლამენტის სხდომაზე, სადაც პროპორციული საარჩევნო სისტემას განიხილავდნენ ყაველაშვილმა ევროპული საქართველოს დეპუტატ აკაკი ბობოხიძეს შეურაცხყოფა მიაყენა. სიტყვით გამოსვლისას მმართველი ყაველაშვილმა განაცხადა, რომ 2 წუთში პარლამენტს ნაციონალური მოძრაობისა და ევროპული საქართველოს სახეს დაანახებდა. მან 20 ივნისის აქციაზე და ოპოზიციის პასუხისმგებლობაზე დაიწყო საუბარი და განაცხადა:

"მაგრამ, როგორც კი ძალას კარგავენ, ზუსტად ასეთ ქილიკს მიმართავენ და სიცრუის ტირაჟირებას, როგორც კაკოია ბობოხიძე ტირაჟირებდა".

ამას აკაკი ბობოხიძის რეპლიკა მოყვა, რის შემდეგაც ყაველაშვილმა მას და ნაბოზ... უწოდა.