ბელარუსის საპარლამენტო არჩევნების წინასწარი შედეგების მიხედვით, საკანონმდებლო ორგანოს ქვედა პალატაში ვერც ერთი ოპოზიციური პარტია ვერ შევიდა. წინა მოწვევის პარლამენტის ქვედა პალატაში მხოლოდ ორი ოპოზიციონერი დეპუტატი იყო. არჩევნები ბელარუსში 17 ნოემბერს ჩატარდა.

ადგილობრივი ცესკოს მონაცემებით, ეროვნული კრების წარმომადგენლობით პალატაში მოხვდნენ ბელარუსის პატრიოტული პარტია, შრომისა და სამართლიანობის რესპუბლიკური პარტია, ლიბერალ-დემოკრატიული პარტია, ბელარუსის აგრარული პარტია, კომუნისტები და გაერთიანება ბელაია რუსის წევრები. ყველა მათგანი მთავრობის პოლიტიკის მხარდამჭერია. დეპუტატებს შორის არის მის ბელარუსი 2018, მარია ვასილევიჩი.

საპარლამენტო არჩევნებში 7 მილიონი ამომრჩეველი იღებდა მონაწილეობდა. მათ ქვედა პალატის 110 დეპუტატი უნდა აერჩიათ. არჩევნებს საერთაშორისო დამკვირვებლები აკვირდებოდნენ, მათ შორის ეუთო. ევროკავშირი უკვე დიდი ხანია აცხადებს, რომ ბელარუსში საერთაშორისო სტანდარტებთან შესაბამისი საპრეზიდენტო და საპარლამენტო არჩევნები არ ტარდება.

პრეზიდენტი, ელქსანდრე ლუკაშენკო უკვე 25 წელია რაც ქვეყნის სათავეშია. ის აცხადებს, რომ მომავალ საპრეზიდენტო არჩევნებშიც მიიღებს მონაწილეობას, თუ ამას ხალხის სთხოვს. ამავე დროს კი ამბობს, რომ არ აპირებს "გალურჯებული თითებით" პრეზიდენტის სავარძელს ჩაეჭიდოს.