ბრიტანული წამყვანი საცალო ვაჭრობის კომპანია Holland & Barrett, რომელიც თავის მომხმარებელს ვიტამინების, მინერალებისა და მცენარეული დანამატების ფართო ასორტიმენტს სთავაზობს, საქართველოში იწყებს ოპერირებას. როგორც საქართველოში Holland & Barrett-ის ოფიციალური წარმომადგენლები აცხადებენ, ნომერ პირველი მსოფლიო დონის ბრენდის პროდუქციის შეძენა თბილისში უკვე შესაძლებელია:

”ეს არის მსოფლიოში ნომერ პირველი ბრიტანული სავაჭრო ქსელი, რომელიც ჯანსაღი ცხოვრების წესის მიმდევრებს ყველა საჭირო პროდუქციას სთავაზობს”, აცხადებენ ბრენდის ოფიციალური წარმომადგენლები.

ჯანსაღი საკვები, ვიტამინები, მინერალები, მცენარეული დანამატები, ნატურალური პარფიუმერია, ბავშვის მოვლის საშუალებები, ბავშვის კვება, გახდომის საშუალებები, სპორტსმენებისთვის საკვები დანამატები - ეს ის არასრული ჩამონათვალია, რომელსაც კომპანია თავის მომხმარებლებს სთავაზობს.

”კომპანიას 145 წლიანი გამოცდილება აქვს. ბრიტანეთში თუ ვინმეა ნამყოფი, ყველასთვის ნაცნობია ეს კომპანია. დიასახლისებში განსაკუთრებული პოპულარობით სარგებლობს. იქ ყოველ კუთხეშია მათი მაღაზია. თითოეული პროდუქტი 15, 30 წლიან გამოცდას გადის. ნებისმიერ პროდუქციას უვნებლობის 100 პროცენტიანი გარანტია აქვს. არ საჭიროებს ექიმის რეცეპტს, რადგან მთლიანად ნატურალური ინგრედიენტებით მზადდება. ეს არ არის აფთიაქი. ეს არის ჯანსაღი საკვები დანამატების, ნატურალური კოსმეტიკის და ნატურალური პროდუქტების მაღაზია. Holland & Barrett პროდუქციის დიდ ნაწილს თავად აწარმოებს, ნაწილს სხვა მწარმოებლებისგან იღებს და თავის ქსელში ყიდის”, აცხადებენ ბრენდის ოფიციალური წარმომადგენლები საქართველოში. მათივე ინფორმაციით, Holland & Barrett თავის თანამშრომლებს ტრენინგებს სთავაზობს, რათა მათ შესაბამისი განათლება მისცეს:

”კომპანიას აქვს თავისი ტრენინგ ცენტრი. კონსულტანტები დიდ მომზადებას გადიან, რათა მომხმარებელს მაქსიმალურად დაეხმარონ სწორი არჩევანის გაკეთებაში”, აღნიშნავენ Holland & Barrett - ის ქართულ წარმომადგენლობაში.

პირველი მაღაზია, ყველასათვის ნაცნობ, ქავთარაძის თბილისი სითი მოლში მეორე სართულზე განთავსდება. იმისთვის, რომ ქართველი მომხმარებლისთვის მაქსიმალურად მეტი ინფორმაციის მიწოდება და რჩევების მიცემა შეძლონ, მაღაზიის ქართველი თანამშრომლები Holland & Barrett-ის აკადემიაში 12 კვირიან კურსებს რეგულარულად გაივლიან. მეორე მაღაზია ახლადგახსნილ გლდანი სითი მოლში გაიხსნა.

უსაფრთხოება, ხარისხი, ნდობის მაღალი მაჩვენებელი ბრენდის მიმართ - ის მახასიათებლებია, რაც Holland & Barrett-ის პროდუქციას მომხმარებლისთვის

"იმ შემთხვევაში, თუ Holland & Barrett-ის პროდუქციაზე საქართველოში მოთხოვნა გაიზრდება, ქართული ქსელი გაფართოვდება. შემდეგი მაღაზიები ერთი წლის განმავლობაში, საქართველოს სხვადსხვა ქალაქში გაიხსნება”, აღნიშნავენ Holland & Barrett-ის წარმომადგენლები.