თვითმფრინავით მგზავრობა ერთ-ერთი ყველაზე მოსახერხებელი, სწრაფი და უსაფრთხო საშუალებაა, რომელიც სამოგზაუროდ შეგიძლიათ გამოიყენოთ. თუმცა, მგზავრობა ხშირად მაინც რამდენიმე საათზე მეტ ხანს გრძელდება, შესაბამისად მგზავრები მარტივად იღლებიან და მაქსიმალურად სჭირდებათ კომფორტის შენარჩუნება.

ახლა სწორედ იმ წესებს გაგაცნობთ, რომლებიც თვითმფრინავით ფრენისას უნდა გაითვალისწინო, რათა მგზავრობა ყველასთვის უფრო მოსახერხებელი და ნაკლებად შემაწუხებელი იყოს.

1. წინა სავარძლებს ფეხებს ნუ მიაწყობ.

შესაძლოა, შენთვის ასე უფრო მოსახერხებელია, მაგრამ შენ წინ მჯდომ მგზავრებზეც იფიქრე.

2. გვერდით მჯდომ უცნობს თუ მიესალმები, ამით არაფერი დაშავდება.

ოღონდ მისალმებასა და გაუთავებელ ლაქლაქს შორის დიდი სხვაობაა.

3. უმჯობესი იქნება, თუ ფეხსაცმლის გახდის სურვილი არ შეგიპყრობს.

ამან შეიძლება პილოტიც კი გააბრუოს.

4. თუ ვინმესთან ადგილის გაცვლა გსურს, შეგიძლია, სთხოვო. უბრალოდ მოლოდინი ნუ გექნება, რომ აუცილებლად დაგთანხმდება.

5. თვითმფრინავის დაშვების დროს ტაშის დაკვრა, რბილად რომ ვთქვათ, ცოტათი უცნაურია.

თუ მაინცდამაინც პილოტი ავარიულ ან სახიფათო დაშვებას წარმატებით არ განახორციელებს, შენგან აპლოდისმენტებს არავინ ელის.

6. მართალია, სავარძელში მოხერხებულად გადაწოლის უფლება გაქვს, მაგრამ შენ უკან მჯდომს წინასწარ თუ გააფრთხილებ ამის შესახებ, იქნებ ხაფანგში მომწყვდეულად აღარ იგრძნოს თავი.

მხოლოდ საკუთარ კომფორტზე თუ ვიფიქრებთ, ასე მუდმივად შევაწუხებთ ერთმანეთს.

7. თუ ვიღაცას შენს მხარზე ჩამოეძინა, სრული უფლება გაქვს, გააღვიძო.

ან შეგიძლია მასთან ერთად განაგრძო ძილი.

8. სულაც არ არის პრობლემა, თუ თვითმფრინავში ამოტანილ საკვებს შეჭამ.

თუ, რა თქმა უნდა, მთელს თვითმფრინავში უცნაურ სუნს არ დააყენებ ან გარშემომყოფებს არ დასვრი.

9. თვითმფრინავის დაშვებისას მშვიდად იყავი და სავარძლიდან ნუ წამოდგები.

წინააღმდეგ შემთხვევაში, ბორტგამცილებელს ვერ გადაურჩები.

10. განსაკუთრებული გარემოების გარდა, სავარძლის რიგებს შორის ნუ დადგები.

ასე სხვებს ნაკლებად შეაწუხებ.

გაინტერესებს, სად უნდა იპოვო ყველაზე იაფი ავიაბილეთები? Aviabiletebi.org სწორედ ამისთვის შექმნილი პლატფორმაა. მისი აპლიკაცია, რომელიც ხელმისაწვდომია როგორც ანდროიდის, ისე iOS სისტემისთვის საშუალებას გაძლევთ, ბილეთების გარდა, ერთ სივრცეში მოძებნოთ სასტუმროებიც, ჰოსტელებიც და Airbnb-ის ბინებიც.