თბილისში, კლდიაშვილის ქუჩაზე მიკროავტობუსისა და მსუბუქი ავტომანქანის შეჯახების შედეგად სამი ადამიანი დაშავდა. ისინი კლინიკაში არიან გადაყვანილი.

როგორც მიკროავტობუსის მძღოლმა მთავარ არხს უთხრა, მანქანის მძღოლი დიდი სიჩქარით შეეჯახა მას და მგზავრებიდან ორი პირი დაშავდა. მისივე თქმით, დაშავებულია მძღოლიც.

ფოტო: კადრი ვიდეოდან / მთავარი არხი

ფოტო: კადრი ვიდეოდან / მთავარი არხი

გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია. ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.