მემარცხენე აქტივისტის გრიგოლ გეგელიას თქმით, ბიზნესმენ მამუკა ხაზარაძის მოძრაობა ლელო არის ერთადერთი პროგრესული ალტერნატივა ქართული ოცნების მიერ შექმნილ ჭაობზე.

"ჩვენ, როგორც ლელო, ახალი ცენტრისტული მოძრაობა ვთანხმდებით იმაზე, რომ ადამიანი უნდა იყოს მთავარი მიზანი, უნდა იყოს ქვაკუთხედი ჩვენი სახელმწიფოებრიობისა. ვთანხმდებით იმაზე, რომ შრომა, ეკოლოგია და ხარისხი უნდა იყოს დაცული... ვთანხმდებით იმაზე, რომ არ შეიძლება ჩვენს ქვეყანაში შიმშილობდეს 77 000 ბავშვი" — განაცხადა მან.

გეგელიას გარდა ლელოს მემარცხენე აქტივისტები ირაკლი კუპრაძე და ჯოზეფ ალექსანდერ სმიტიც შუერთდნენ.

შეგახსენებთ, რომ ხაზარაძე პარტია ლელოს დაფუძნებას 12 დეკემბერს გეგმავს. საზოგადოებრივი მოძრაობის დაფუძნება მან 9 ივლისს დააანონსა, 12 სექტემბერს კი ანაკლიაში პრეზენტაცია გამართა და პირველი თორმეტეული წარადგინა.

გაიგეთ მეტი: