დავიდეთ ერთად — ევროპული საქართველო მხარდამჭერებს დღეს, 14 ნოემბერს საღამოს 7 საათზე პარლამენტთან მისვლისკენ მოუწოდებს. ამასთან დაკავშირებით პარტიის ოფისში ბრიფინგი გაიმართა.

"ეს არ არის აქცია პოლიტიკური სისტემის დასაცავად, ეს არ არის აქცია პოლიტიკური პარტიების დასაცავად, დღეს 7-ზე ყველანი მივდივართ პარლამენტის წინ იმისთვის, რომ დავიცვათ ჩვენი მომავალი ცხოვრება, არჩევანი, ჩვენი უფლება, რომ უარი ვუთხრათ ქართულ ოცნებას", — თქვა პარტიის ლიდერმა, დავით ბაქრაძემ.

მისივე თქმით, აქციაზე ევროპული საქართველო სრული შემადგენლობით იქნება წარმოდგენილი.

დღეს, 14 ნოემბერს ბიძინა ივანიშვილის დაპირება არ შესრულდა. ქართულმა ოცნებამ მხარი არ დაუჭირა კანონპროექტს, რომლითაც ქვეყანაში 2020 წლის არჩევნები სრულად პროპორციული სისტემით უნდა ჩატარებულიყო. კანონპროექტის ჩაგდების შემდეგ გადაიკეტა რუსთაველის გამზირი და დაიგეგმა საპროტესტო აქცია საღამოს 7 საათზე.