საქართველოს პარლამენტის წევრი უმრავლესობიდან და ვიცე-სპიკერი, ზვიად ძიძიგური ამბობს, რომ მეუფე იაკობის განცხადებებზე საგამოძიებო კომისიის შექმნა ეკლესიას და ქვეყანას დააზიანებს. საქმე ეხება მეუფე იაკობის იმ განცხადებას, რომლის მიხედვითაც, პატრიარქის გადასაყენებლად მას მინისტრები "ეჩალიჩებოდნენ".

"ოპოზიციამ ჩათვალა, რომ მათთვის მსუყე თემაა მეუფე იაკობის განცხადებები და ითხოვენ საპარლამენტო საგამოძიებო კომისიის შექმნას, რაც თავისთავად არის არა მარტო მცდარი, არამედ დამაზიანებელი ეკლესიისთვის და მთლიანად ჩვენი ქვეყნისთვის იქედან გამომდინარე, რომ ეკლესია და სახელმწიფო არის ერთმანეთისგან დამოუკიდებელი", — აღნიშნა ძიძიგურმა.

მეუფე იაკობის განცხადებაზე საგამოძიებო უწყებებმა გამოძიება არ დაიწყეს, მიიჩნიეს, რომ დანაშაულის ნიშნები არ არსებობდა, საპარლამენტო ოპოზიციამ კი საგამოძიებო კომისიის შექმნა მოითხოვა.