პრეზიდენტ ობამას ადმინისტრაციის ცნობით, კუბადან დაბრუნებულ ამერიკელ მოგზაურებს კუნძულიდან წამოღებული სიგარისა და რომის ფასზე ლიმიტი მოეხსნებათ, რომელიც აქამდე 100 დოლარით იყო განსაზღვრული. ინფორმაციას ამის შესახებ CNBC ავრცელებს.

კუბურ სიგარასა და რომზე, ახლა, იგივე რეგულაციები დაწესდება, რაც ალკოჰოლსა და თამბაქოზე სხვა ქვეყნებიდან. რაც იმას ნიშნავს, რომ ადამიანებს შეეძლებათ 100-მდე სიგარისა და რამდენიმე ბოთლი რომის წამოღება. მაღალხარისხიანი კუბური სიგარის ფასი, კუბის საზღვრებს გარეთ, $100-ზე მეტია. ასე რომ, თითოეულ ამერიკელ მოგზაურს შეუძლია ლეგალურად შეიტანოს ათასობით დოლარის ღირებულების კუბური პროდუქტი აშშ-ის ტერიტორიაზე.

ასევე იხილეთ: ობამას ისტორიული ვიზიტი კუბაში.