გასულ საუკუნეში, უფრო კონკრეტულად კი მეორე მსოფლიო ომის პერიოდში ევროპა სრულიად სხვაგვარად გამოიყურებოდა.

იყო დრო, როცა განვითარებული, მშვიდი და პროგრესული დასავლეთი, ცეცხლში, გაჭირვებასა და საბრძოლო ტექნიკის ხმაურში იყო გახვეული.

დღევანდელი გადმოსახედიდან კი ნამდვილად საინტერესოა ევროპის 10 ისტორიული ადგილი, რომელიც ახლა სულ სხვაგვარად გამოიყურება:

1. ფოშის ავენიუ, საფრანგეთი

1940 წლის 14 ივნისს გერმანულმა ჯარებმა პარიზი დაიკავეს. პირველი ფოტო ფოშის ავენიუზე გერმანიის 30-ე დივიზიის აღლუმს ასახავს.

2. პეტერგოფის სასახლე, რუსეთი

კადრში ხედავთ 1941 წელს რუსეთში განვითარებულ მოვლენას. უფრო კონკრეტულად კი პეტერგოფის დამწვარ სასახლეს ნაცისტების შემოსევისას.

დღეს სასახლე აღდგენილია და აქტიურად მასპინძლობს მსოფლიოს სხვადასხვა კუთხიდან ჩამოსულ ტურისტებს.

3. ჟნინის კინოთეატრი, პოლონეთი

ეს შენობა კათოლიკურ ეკლესიას წარმოადგენდა, რომელიც მოგვიანებით გერმანელებმა ჟნინის კინოთეატრად აქციეს.

4. ნორმანდიის სანაპირო

პირველი ფოტო ნორმანდიის სანაპიროზე დატყვევებულ გერმანელ ჯარისკაცებს ასახავს იქამდე, სანამ მათ ინგლისში გაუშვებდნენ.

5. ქალაქი შერბურ-ოქტევილი, საფრანგეთი

1944 წელია, ქალაქის ცენტრში კი ამერიკული საბრძოლო ტექნიკაა მობილიზებული. დღეს ეს ადგილი რიგითი ფრანგული ქუჩაა, სადაც ლამაზი არქიტექტურის შენობებია წამოჭიმული.

6. კონკორდის მოედანი, პარიზი

1944 წლის აგვისტოს პარიზი გათავისუფლებას მოკავშირეების ჯარებთან ერთად აღნიშნავდა.

მიუხედავად იმისა, რომ გერმანელებმა ქალაქი დათმეს, მათი შემორჩენილი სნაიპერები სხვადასხვა შენობის სახურავიდან ჯერ კიდევ უქმნიდნენ საფრთხეს მოქალაქეებს.

7. ბერნერ-სურ-მერის სადგური, საფრანგეთი

ეს ფოტო 1944 წელსაა გადაღებული და დატყვევებულ გერმანელ ჯარისკაცებს ასახავს, რომლებიც ბერნერ-სურ-მერის სადგურზე მატარებელს ელოდებიან.

სამოგზაუროდ დღეს ეს ადგილი ერთ-ერთი პოპულარული დანიშნულების ადგილია ტურისტებისთვის.

8. აახენის კათედრალი, გერმანია

ეს ორი ფოტო აახენის ისტორიულ კათედრალს ორ სხვადასხვა დროს ასახავს.

პირველი ფოტო მეორე მსოფლიო ომის დროს, 1943 წლის 14 ივნისს არის გადაღებული, როცა ქალაქს ბომბავდნენ.

კათედრალის განადგურებულ გუმბათებს საბოლოო რესტავრირება კი 1978 წელს ჩაუტარდა და დღესაც ძველებურად დიდებულად გამოიყურება.

9. პარიზის ღვთისმშობლის ტაძარი

პარიზის ღვთისმშობლის ტაძარი დღეს ერთ-ერთი ყველაზე მნიშვნელოვანი კულტურული მემკვიდრეობის ძეგლია, რომელიც ოდესღაც ასევე იყო მეორე მსოფლიო ომის ქაოსში გახვეული.

შეგახსენებთ, რომ კათედრალში, რომელიც ფრანგული გოთიკური არქიტექტურის საუკეთესო ნიმუშად ითვლება, 2019 წლის 15 აპრილს ხანძარი გაჩნდა.

10. პარიზის ოპერა

პარიზის ოკუპაციის პერიოდში გერმანელებმა ქალაქის ოპერა საკუთარი სიმბოლოებით, სვასტიკებით გააფორმეს და ბერლინის ფილარმონიის თანხლებით, არაერთი კონცერტიც გამართეს.

იგივე ოპერა გარნიე 2 200 მაყურებელს იტევს და თავისი ნეობაროკოს სტილის არქიტექტურით, რომელიც შარლ გარნიეს მიერაა დაპროექტებული, დღემდე ქალაქის მთავარ ღირშესანიშნაობად ითვლება.

გაინტერესებს, სად უნდა იპოვო ყველზე იაფი ავიაბილეთები? Aviabiletebi.org სწორედ ამისთვის შექმნილი პლატფორმაა. მისი აპლიკაცია, რომელიც ხელმისაწვდომია როგორც ანდროიდის, ისე iOS სისტემისთვის საშუალებას გაძლევთ, ბილეთების გარდა, ერთ სივრცეში მოძებნოთ სასტუმროებიც, ჰოსტელებიც და Airbnb-ის ბინებიც.