უზენაესი სასამართლოს მოსამართლეობის კანდიდატის, ნინო ქადაგიძის თქმით, სიძულვილის ენა უხამსობაა. ამის შესახებ მან პარლამენტის იურიდიულ საკითხთა კომიტეტის სხდომაზე კითხვის საპასუხოდ განაცხადა.

"ალბათ, სრული უხამსობა, ეს შეიძლება ჩაითვალოს სიძულვილის ენად. თუმცა, როგორც მოსამართლე, ძალიან ფართო განმარტებას ვაძლევ ამას. მთავარია, რომ ჩვენ ამერიკულ მოდელზე ვართ გადასულები. აქედან გამომდინარე, ძალიან რთულია ვინმემ დაადასტუროს, რომ მის მიმართ გამოიყენეს უხამსობის ენა", — თქვა მან.

მისი განცხადებით, დღეს კანონმდებლობით სიძულვილის ენა განმარტებული არ არის და არც უნდა განიმარტოს. მისი თქმით, ეს ინდივიდუალურია და კანონმდებელი ვერ განმარტავს.

დეპუტატმა, ნინო გოგუაძემ მას ჰკითხა, რა განსხვავებაა სიძულვილის ენასა და შეურაცხყოფას შორის, რაზეც მან უპასუხა: "უხამსობა, რომელსაც შეიძლება, მძიმე შედეგი მოჰყვეს, შეურაცხყოფა უფრო სამოქალაქო კატეგორიაა და..." — აღნიშნა მოსამართლეობის კანდიდატმა.