მარნეულში ჩატარებულ სპეცოპერაციას, რომლის შედეგადაც არჩევნების დღეს მომხდარ ინციდენტში ბრალდებული 6 პირი დააკავეს, სამოქალაქო სექტორი ეხმაურება. როგორც დემოკრატიული ინიციატივის წარმომადგენელი, გიორგი მშვენიერაძე განმარტავს, შესაძლოა, ხელისუფლების მხრიდან არათანასწორ დამოკიდებულებას ჰქონდეს ადგილი:

"ოპერაციის სახე, რომელიც მედიით ვნახეთ, იმისგან განსხვავებულია, როგორ ძალასაც იყენებს სამართალდამცავები მაშინ, როდესაც პასუხისგებაში უწევს თავისი მხარდამჭერების მიცემა. ამ ძალის და კუნთების დემონსტრირება საზოგადოების წინაშე შესაძლებელია უკავშირდებოდეს გარკვეულწილად იმასაც, რომ ხელისუფლება, გარკვეული ჯგუფი, ცდილობს საკუთარი ძალა დაანახოს ოპოზიციის მხარდამჭერებს".

13 ოქტომბერს მარნეულში რამდენიმე პირის სახლში სპეცოპერაციის ჩატარების შედეგად, სამართალდამცავებმა 8 ოქტომბერს ინციდენტში მონაწილე 6 პირი, ენმ-ს აქტივისტები დააკავეს. აღნიშნულთან დაკავშირებით საპროტესტო აქცია გამართეს ენმ-ს მხარდამჭერებმა.