მეუფე პეტრე ამბობს, რომ პატრიარქის "პიდარასტიის ცოდვის" დასამტკიცებლად სინოდის სხდომაზე იმ ადამიანების მიყვანა სურდა, ვინც "არიან მსხვერპლი ამ მდგომარეობი". ამის შესახებ მან რუსთავი 2-ს განუცხადა.

"მე ვითხოვდი სინოდის სხდომაზე დამტკიცებას. ადამიანები მოვიდოდნენ, რომლებიც იტყოდნენ, ფაქტიურად, დაადასტურებდნენ ჩემს ბრალდებას, მე ამის ყველანაირი რესურსი გამაჩნდა. არ აქვს მნიშვნელობა ვინ არიან, ისინი არიან მსხვერპლი ამ მდგომარეობის.

საუბედუროდ, მათი რიცხვი არ არის მცირე... ზოგი ფსიქიქატრთან დადის სამკურნალოდ, ზოგი ფსიქოლოგთან, ზოგმა იმკურნალა..." — განაცხადა მან.

სინოდის სხდომის დასრულების შემდეგ მეუფე პეტრემ განაცხადა, რომ ეკლესიაში მამათმავლობის ცოდვის მხილების გამო ილია მეორემ მღვდელმთავრობიდან გადააყენა. მოგვიანებით კი აღნიშნა, რომ თავად პატრიარქია "პიდარასტიისა და მამათმავლობის ცოდვით შეპყრობილი".

პეტრემ განმარტა, რომ სიტყვა "პიდარასტიაში" "ჭაბუკის გამხრწნელი" იგულისხმა. მისი თქმით, ეს საეკლესიო ტერმინია და სხვას ვერაფერს დაარქმევს.

მასალაში გამოყენებული მეუფე პეტრეს შეფასება გამოხატულია ჰომოფობიური სიტყვებით, თუმცა მაღალი საჯარო ინტერესიდან გამომდინარე On.ge მის სიტყვებს უცვლელად გთავაზობთ.