ნეტფლიქსის 2017 წლის ერთ-ერთი ყველაზე ლამაზი და მოულოდნელობებით სავსე დრამა, წყეული სამყაროს დასასრული, მეორე სეზონით ბრუნდება. ახალი სეზონის ტრეილერი სულ ცოტა ხნის წინ გამოქვეყნდა.

ტრეილერში მოვლენები წინა სეზონის ბოლო სცენიდან ვითარდება და მთავარი კითხვა კვლავ უცვლელია: ცოცხალია თუ არა ჯეიმსი, რომლის როლსაც ინგლისელი მსახიობი ალექს ლოუტერი ასრულებს. ერთადერთი სცენა, სადაც ლოუტერის გმირს ვხედავთ სანაპიროა, სადაც ის დაჭრილი წევს.

წუთნახევრიან ვიდეო-რგოლში აქცენტი ალისას მომავალ ცხოვრებაზე კეთდება, რომელსაც ჯესიკა ბარდენი ასახიერებს. მას საქორწინო კაბა აცვია, თუმცა ბედნიერი არ ჩანს. ალისა მარტოა და კიდევ უფრო დასევდიანებულია, ამის პარალელურად კი მუშაობას იწყებს კაფეში, რაც მიგვანიშნებს, რომ თინეიჯერის ცხოვრება რადიკალურად იცვლება.

წყეული სამყაროს დასასრულის ორივე სეზონის სცენარისტი ჩარლი კოველია, მისი ინსპირაცია კი ჩარლზ ფორსმანის ცნობილი კომიქსია. ახალ სეზონში რვა სერია იქნება და მისი პრემიერა ნეტფლიქსზე 5 ნოემბერს შედგება.