თბილისში, თევდორე მღვდლის ქუჩაზე კორპუსის აფეთქების შედეგად დაშავებული კაცის ჯანმრთელობის მდგომარეობა მძიმეა. ამის შესახებ ჟურნალისტებს დამწვრობის ცენტრის ხელმძღვანელმა, გუგა ქაშიბაძემ განუცხადა.

მისი თქმით, დაშავებულს სხეულის 35 პროცენტი აქვს დამწვარი.

"დამწვარი აქვს თავი მთლიანად, ორივე ზემო კიდური, გულ-მკერდი, მისი მდგომარეობა არის საკმაოდ სერიოზული. დამწვრობას თან ახლავს ბაროტრავმა, რაც ამ აფეთქებამ გამოიწვია. იგი მოთავსებულია დამწვრობის ცენტრის რეანიმაციის განყოფილებაში, მიმდინარეობს ანტიშოკური მკურნალობა", — აცხადებს ექიმი.

თევდორე მღვდლის ქუჩაზე აფეთქება გუშინ, 28 ოქტომბერს მოხდა. აფეთქება, სავარაუდოდ, გაზის აფეთქებამ გამოიწვია.