ნაციონალური მოძრაობის მაჟორიტარი დეპუტატობის კანდიდატი, აჰმედ იმამკულიევი ქრონიკასთან საუბარში ამბობს, რომ მარნეულში სამართალდამცავებმა ენმ-ს მხარდამჭერთა სახლები გაჩხრიკეს:

"ოჯახებში შევარდა სპეცრაზმი, თან იმ ოჯახებში, რომელსაც საერთოდ ეს ხალხი არ ფიქსირდებიან. დაამტვრიეს სახლები, ავეჯი. არანაირი დაკავება არ ხდება, უბრალოდ ეს არის დაშინება მოსახლეობის იმიტომ, რომ ქართული ოცნების არცერთი წევრი, რომელიც იმყოფებოდა იქ, შიგნით, იმ უბანზე არცერთი არ არის დაკავებული, არცერთს აქვს შეხება პოლიციასთან, გამოძიებისთვის არავის აქვს ჩვენება მიცემული".

On.ge დაუკავშირდა შსს, თუმცა, უწყებაში კომენტარი არ გააკეთეს და განგვიმარტეს, რომ აღნიშნულთან დაკავშირებით ინფორმაციის ვებსაიტზე მალე გამოაქვეყნებენ.