სულ ცოტა ხნის წინ ოფიციალურად დადასტურდა, რომ Fast & Furious-ის მეცხრე ნაწილში თანამედროვე მუსიკალური ინდუსტრიის ერთ-ერთი ყველაზე ცნობილ მომღერალს, Cardi B-ს ვიხილავთ.

ამის შესახებ ინფორმაცია ვინ დიზელმა თავის ინსტაგრამ გვერდზე გაავრცელა და მომღერალთან ერთად ჩაწერილ ვიდეოში გადაღებების გამოცდილებაზე ისაუბრა.

"ძალიან დაღლილი ვარ, მაგრამ ერთი სული მაქვს ფილმი როდის გამოვა", - ამბობს ქარდი ბი.

ამ ამერიკელმა რეპერმა ცოტა ხნის წინ უკვე ითამაშა ფილმში Hustlers, სადაც ასევე მონაწილეობდა მომღერალი ჯენიფერ ლოპესი.

Fast & Furious ქარდი ბის მეორე ფილმი იქნება, თუმცა ჯერ-ჯერობით უცნობია, თუ რა როლს შეასრულებს ის.

The Fast and the Furious-ის ფილმების სერია ამავე სახელწოდების პირველი ფილმით, 2001 წელს დაიწყო და მასშტაბური ფინანსური შემოსავლების გამო დღემდე აგრძელებს ახალი პროდუქტის შექმნას. მილიონობით ფანს შორის ამ ახალი ნაწილის გამოსვლას განსაკუთრებულად ელიან ქართველი მაყურებლები, რადგან ფილმის გარკვეული სცენების გადაღებები საქართველოში მიმდინარეობდა.

ასევე იხილეთ: