ბოლო რამდენიმე კვირაა კინოსამყაროში ცნობილი სახეები სუპერგმირების შესახებ გადაღებულ მაღალბიუჯეტიან ფილმებს აქტიურად აკრიტიკებენ. მარტინ სკორსეზეს, ჯენიფერ ენისტონისა და ფრენსის ფორდ კოპოლას შემდეგ ამ ერთგვარ მარათონში ცნობილი ბრიტანელი რეჟისორი, კენ ლოუჩიც ჩაერთო და თავისი აზრი დააფიქსირა:

"ასეთი ფილმები ძალიან მოსაბეზრებელია. თანაც ისინი ისეთივე გასაყიდ საქონელს ჰგავს, როგორიც ჰამბურგერია. ამ ფილმებით უბრალოდ საბაზრო პროდუქტს ქმნიან, რომელთაც დიდი კორპორაციებისთვის ფინანსური მოგება მოაქვს. მსგავსი ფილმები მხოლოდ მარკეტინგული ჩანაფიქრია და მათ არაფერი ესაქმებათ კინოს ხელოვნებასთან."

კენ ლოუჩი თანამედროვე კინოში ერთ-ერთი ყველაზე აღიარებული და დაფასებულია რეჟისორია. მას სხვადასხვა დროს ორჯერ გადაეცა ოქროს პალმის რტო კანის კინოფესტივალზე ფილმებისთვის The Wind That Shakes the Barley (2006) და I, Daniel Blake (2016). წელს კი რამდენიმე საერთაშორისო ფესტივალზე უკვე აჩვენეს მისი ახალი ფილმი Sorry We Missed You.

ასევე იხილეთ: