მოძრაობა ქვეყნის სამსახურში აბრეშუმის გზის ფორუმის პარალელურად აქციას მართავს. მოძრაობის წევრი თამარ კაკაბაძე ამბობს, რომ ის ოპერაში შევიდა, სადაც ფორუმი იმართება, და პრემიერ-მინისტრ გიორგი გახარიას უთხრა, რომ "სირცხვილია".

"შემომიბრუნდა და მკითხა, აბა რა არის სირცხვილი?" — თქვა კაკაბაძემ.

ფოტო: გვანცა ნემსაძე / On.ge

ფოტო: გვანცა ნემსაძე / On.ge

22-23 ოქტომბერს თბილისში, საქართველოს მთავრობის ორგანიზებით, რიგით მესამე აბრეშუმის გზის ფორუმს უმასპინძლებს. ფორუმი აზიასა და ევროპას შორის პოლიტიკური, ეკონომიკური და კულტურული კავშირების გაძლიერებას ემსახურება და მიზნად ისახავს სადისკუსიო პლატფორმის შექმნას, სადაც აბრეშუმის გზის ინიციატივის ქვეყნები, საერთაშორისო ორგანიზაციებისა და კერძო სექტორის წარმომადგენლები განიხილავენ ერთმანეთთან თანამშრომლობის გაღრმავების პერსპექტივებს.

წელს აბრეშუმის გზის ფორუმი 60-მდე სხვადასხვა ქვეყნის 2000-მდე მონაწილეს უმასპინძლებს, რომელთაც საშუალება ექნებათ განიხილონ ისეთი საკითხები, როგორიცაა გლობალური ეკონომიკის გამოწვევები, ხელოვნური ინტელექტის მზარდი როლი, ტრანსპორტი, ვაჭრობა, ენერგეტიკა, საინვესტიციო შესაძლებლობები თუ სხვა.