ამერიკის შეერთებული შტატების პრეზიდენტმა, დონალდ ტრამპმა გადაიფიქრა დიდი შვიდეულის სამიტი თავის გოლფ კლუბში ჩაატაროს. ამის მიზეზად ის "მედიისა და დემოკრატების სიგიჟეს" და "არარაციონალურ მტრობას" ასახელებს.

ტრამპის თქმით, 2020 წლის სამიტისთვის სხვა ადგილის განიხილავენ, მათ შორისაა კემპ დევიდი. ამის შესახებ ინფორმაცია პრეზიდენტმა ტვიტერით გაავრცელა.

ტრამპის გოლფის კურორტი National Doral Miami მაიამის აეროპორტიდან 13 კილომეტრშია განთავსებული. მაიამიში G7-ის სამიტის ჩატარების შესახებ ტრამპმა ჯერ კიდევ აგვისტოში, მიმდინარე სამიტის დროს განაცხადა. პრეზიდენტის თქმით, გოლფის კურორტს შეუძლია, ნებისმიერ სიტუაციას გაუმკლავდეს და, რაც მთავარია, მაიამის საერთაშორისო აეროპორტიდან რამდენიმე წუთის სავალზეა.

დიდი შვიდეულის სამიტი 2020 წლის ივნისში უნდა გაიმართოს.