თბილისში, გურამიშვილის გამზირზე მომხდარი აფეთქების გამო კორპუსიდან მოსახლეობის ევაკუაცია მოხდა. ამის შესახებ ნაძალადევის რაიონის გამგებელმა შემთხვევის ადგილზე ჟურნალისტებს უთხრა.

"ჩვენ შევქმენით საორგანიზაციო ჯგუფი, მოსახლეობასთან მოვახდენთ კომუნიკაციას. პირველ ეტაპზე გავიყვანთ სასტუმროებში და შემდეგ, თუ საჭირო გახდა, დავიწყებთ ქირით გაყვანის პროცედურებს", — თქვა მან.

მისივე განცხადებით, წინასწარი ინფორმაციით, დაშავებულია ოთხი ადამიანი. ისინი კლინიკებში გადაიყვანეს.

გურამიშვილზე აფეთქება დღეს, 19 ოქტომბერს მოხდა. აფეთქება, სავარაუდოდ, ბუნებრივი აირის გაჟონვამ გამოიწვია.