ელ კამინოს წყალობით, სერიალ Breaking Bad კვლავ აქტუალური და ტრენდულია. სწორედ ამის გამო კი დღეს ლოს-ანჯელესში ახალი კაფე, Breaking Bad Experience გაიხსნა.

როგორც მოსალოდნელი იყო, დიზაინი ხუთივე სეზონიდან შერჩეული მნიშვნელოვანი ვიზუალითაა წარმოდგენილი — კედელზე ნახავთ ჯესისა და ვოლტერის ფურგონს, ლურჯ მეთს [რომელიც სავარაუდოდ შაქარყინულია] და მის მოსახარშ სივრცეს, გუსტავო ფრინგის კაფის, Los Pollos Hermanos კუთხეს, სოლ გუდმენის ოთახს და ა.შ.

შოუს და ფილმის შემქმნელი ვინს გილიგანი იდეით კმაყოფილია და ამბობს, რომ კაფის ვიზიტორები ვოლტერ ვაითის სამყაროს თავად გამოცდიან. ვიზიტორები რესტორანში ადგილებს ონლაინ დაჯავშნიან.