სულ ახლახანს იაპონიაში ბოლო 60 წლის განმავლობაში ყველაზე ძლიერი და დამანგრეველი ტაიფუნი, ჰაგიბისი მძვირნვარებდა.

ბუნებრივი კატასტროფის დაწყებამდე კი ადგილობრივმა ხელისუფლებამ 7 მილიონი ადამიანის ევაკუირება მოახდინა და მიუხედავად ამისა, მსხვერპლის თავიდან აცილება ვერ მოხერხდა.

დაიღუპა 40, ეძებენ თექვსმეტს, 50 ათასზე მეტი ადამიანი კი ამ დრომდე თავშესაფარში რჩება. მიყენებული ზიანის გამოსწორებასა და სამძებრო სამუშაოებში სულ 110 ათასზე მეტი ადამიანია ჩართული.

თუმცა, დღეს იმ უცნაურ მოვლენაზეც მოგიყვებით, რომელიც სტიქიურ უბედურებამდე ადგილობრივმა მცხოვრებლებმა კადრზე აღბეჭდეს.

საქმე ის არის, რომ იქამდე, სანამ ჰაგიბისი იაპონიის ზღვისპირა ქალაქებს და კონკრეტულად, ტოკიოს მიუახლოვდებოდა, ცა იასამნისფრად შეიღება, რაც სწორედ რომ მოსალოდნელი უბედურების მანიშნებელი ყოფილა.

ერთი შეხედვით უწყინარი, იასამნისფერი ღრუბლები, რომლებიც ბამბის ნაყინს უფრო მოგაგონებთ, ასე გამოიყურებოდა:

"ცის ფერი ისეთი მეწამულია"

"როდესაც მეტროდან ამოვდიოდი, გარეთ ასეთი ჯადოსნური სანახაობა დამხვდა"

"ცას ძალიან უცნაური ფერი აქვს, ეს დასასრულს მოასწავებს???"

"ცას მეწამული ფერი შეერია"

"უცნაურია"

"ეს ფოტო, რომელიც იასამნისფერ ღრუბლებს ასახავს, ინტერნეტში ძალიან პოპულარულია, და რა იმალება მის მიღმა? მთლად ვარდისფერი არ არის, უფრო მოწითალო წითელი ან მოწითალო იასამნისფერია. აქამდეც შეგვიმჩნევია მზის ჩასვლისას ან პირიქით, ამოსვლისას", — ასევე წერდა ტვიტერის ერთ-ერთი მომხმარებელი.

როგორც ხედავთ, უჩვეულო შეფერილობის ცამ ადამიანებში თავიდან გაურკვევლობა გამოიწვია, ზოგი აღფრთოვანდა კიდეც მისი სილამაზით.

თუმცა, ფაქტია, რომ ასეთი ლამაზი ბუნებრივი მოვლენის შემდეგ, ქვეყანას საუკუნის ყველაზე დამანგრეველი ტაიფუნი დაატყდა თავს, რომლისგან მიყენებული ზარალიც ჯერ ბოლომდე არავის დაუთვლია.