თურქეთში, ადანას პროვინციაში მომხდარი აფეთქების შედეგად მსუბუქად დაშავდა პოლიციის თანამშრომელი და ოთხი გამვლელი. სააგენტო Anadolu წერს, რომ თურქეთის ხელისუფლება მომხდარს "ტერორისტულ აქტად" აფასებს. მათივე ცნობით, თავდამსხმელების სამიზნე პოლიციის მანქანა იყო, რომელსაც პერსონალი გადაჰყავდა.

ადანას პროვინციის გუბერნატორის თქმით, ასაფეთქებელი მოწყობილობა, სავარაუდოდ, თვითნაკეთი იყო. ჯერჯერობით უცნობია, თუ ვინ არის პასუხისმგებელი მომხდარზე.