სახელმწიფო უსაფრთხოების სამსახურის ინფორმაციით, ოკუპირებული ცხინვალის რეგიონის მიმართულებით არსებული საოკუპაციო ხაზის გასწვრივ რუსეთის საოკუპაციო ძალები უკანონოდ დაფრინავდნენ. უწყებამ ფრენა დღეს, 24 სექტემბერს დააფიქსირა.

"აღნიშნული აზიანებს ადგილზე არსებულ უსაფრთხოების გარემოს", — აღნიშნავენ სუს-ში.

მათივე განმარტებით, ამოქმედებულია ცხელი ხაზი და ინფორმირებული არიან ჟენევის საერთაშორისო დისკუსიების თანათავმჯდომარეები და ევროკავშირის სადამკვირვებლო მისია.