პარლამენტის დამოუკიდებელი დეპუტატის, გედევან ფოფხაძის კითხვაზე, თუ რა პოლიტიკური რეჟიმი იყო გერმანიის დემოკრატიული რესპუბლიკაში? უზენაესი სასამართლოს მოსამართლეობის კანდიდატი, მერაბ გაბინაშვილი არ პასუხობს და ზოგადად ამბობს, რომ ორი რესპუბლიკის შექმნა მეორე მსოფლიო ომის შემდგომმა ვითარებამ განაპირობა. ეს დიალოგი "მიხეილ სააკაშვილის რეჟიმის" შესახებ დასმულ კითხვას მოჰყვა, რაზეც მოსამართლე მერაბ გაბინაშვილმა განმარტა, რომ რეჟიმის შეფასებასა და პოლიტიკურ განცხადებებს ვერ გააჟღერებდა:

გერმანიის დემოკრატიულ რესპუბლიკაში რა პოლიტიკური რეჟიმი იყო?

არ ვიცი, ვერ გეტყვით ახლა.

არ იცით რა რეჟიმი იყო?

ჩვეულებრივ ვრცელდებოდა ომის შემდგომი ტენდენცია...

დემოკრატიული იყო თუ არადემოკრატიული?

დემოკრატიული ერქვა, კი ბატონო, მაგრამ მე ვერ გეტყვით...

რატომ თქვენ იურისტი ხართ, კონსტიტუციური სამართალი ხომ იცით? მითხარიღ რა რეჟიმი იყო?

გეტყვით, არსებობდა ფედერაციული და დემოკრატიული... მე მეტი რა უნდა გითხრათ, მე გერმანიის ისტორიას არ გაბარებთ აქ.

რატომ ვერ მცემთ ამ კითხვაზე პასუხს, ისტორია არ იცით, თუ როგორც სამართლის მცოდნეს, არ შეგიძლიათ შეფასება? რეჟიმი დემოკრატიული იყო თუ ავტორიტარული?

არ ვაპირებ ამის შეფასებას.

რატომ?

აი, ასეთი განწყობა მაქვს. კიდევ ერთხელ ვამბობ, რომ გერმანიის დემოკრატიული რესპუბლიკის და გერმანიის ფედერაციული რესპუბლიკის არსებობაც იყო ჩვულებრივი პოლიტიკური გადაწყვეტილება, იმ გარემოებებიდან გამომდინარე, რაც პოსტ ომის შედეგებს მოყვა.