საგანგებო სიტუაციების მართვის სამსახურის ინფორმაციით, თბილისში ძლიერი ქარის გამო უწყებაში 270 შეტყობინება შევიდა. მათი ცნობით, ზარები, ძირითადად, ხეების წაქცევის, ტოტების მოტეხვის, შენობების კედლებიდან გარე საფარის ჩამოშლის და სახურავების დაზიანების შესახებ იყო.

მათივე ინფორმაციით, დოლიძის ქუჩაზე მოტეხილი ტოტი ორ კაცს დაეცა, ისინი მსუბუქად დაშავდნენ. გარდა ასევე, დაზიანდა რამდენიმე ავტომობილი და ელექტროგადამცემი ხაზები.

"დაფიქსირდა შეტყობინებები რუსთავში, სადაც ქარმა შენობებს სახურავები გადახადა და ხეები წააქცია, დაშავებული არავინაა. ქვეყნის მასშტაბით, სხვა ქალაქებში ქარის შედეგად გამოწვეულ ინციდენტებზე შეტყობინება არ შემოსულა. ამ დროისთვის შეინიშნება ქარის სიმძლავრის კლების ტენდენცია, შეტყობინებების შემოსვლის ინტენსივობა შემცირებულია", — აღნიშნავენ უწყებაში.