NDI-ს კვლევის თანახმად, საქართველოს მოსახლეობის მხოლოდ 4 პროცენტს მიაჩნია, რომ ქვეყნის ამჟამინდელი ეკონომიკური მდგომარეობა კარგია. აღნიშნული მაჩვენებელი წინა წლის ივნისის გამოკითხვის მაჩვენებელს ემთხვევა.

ამავე კვლევის თანახმად, მოსახლეობის 63 პროცენტი ამბობს, რომ ეკონომიკური მდგომარეობა ცუდია. მოსახლეობის უარყოფითი შეფასება წინა წლის ივნისის გამოკითხვასთან შედარებით გაზრდილია. გარდა ამისა, ამჟამინდელ ეკონომიკურ მდგომარეობას საშუალოდ მოსახლეობის 31 პროცენტი მიიჩნევს.

ფოტო: NDI

კვლევა 2019 წლის 13-29 ივლისის პერიოდში ჩატარდა. გამოიკითხა საქართველოს მასშტაბით 2 131 ადამიანი პირისპირ ინტერვიუს წარმომადგენლობითი შერჩევის საფუძველზე. გამოკითხვის საშუალო ცდომილების ზღვარი არის +/- 1,7%.

ამავე თემაზე: