უპრობლემო ავტოავარია არ არსებობს — ნებისმიერ შემთხვევაში ეს მძღოლისთვის თავის ტკივილია. განსაკუთრებით კი მაშინ, როდესაც ზიანი სხვასაც ადგება.

შსს-ს მონაცემებით საქართველოში აქტიური სტატუსის მქონე მილიონზე მეტი ავტომობილია რეგისტრირებული. მიმდინარე წლის პირველ 6 თვეში 3000-მდე საგზაო-სატრანსპორტო შემთხვევა მოხდა. ავტომობილების რაოდენობა წლიდან წლამდე იზრდება და შესაბამისად იმატებს ავარიების რიცხვიც. დაზღვეული კი ამ საგზაო-სატრანსპორტო შემთხვევების მონაწილე მანქანების ძალზე მცირე ნაწილია.

წარმოიდგინე რომ ავტოავარიაში სხვა მანქანას დაეჯახე. ამ შემთხვევაში შენ ორმაგად მოგიწევს გადახდა: საკუთარი ავტომობილის გარდა დაზიანებული სატრანსპორტო საშუალებაც შენი სახსრებით იქნება გასარემონტებელი. შესაძლოა საკუთარი ავტომობილის შეკეთება არ იჩქარო, მაგრამ დაზარალებული დიდხანს არ გადროვებს.

სწორედ ასეთ კრიტიკულ დროს გჭირდება მესამე პირისადმი პასუხისმგებლობის დაზღვევა, ანუ მპპდ.

რა არის მპპდ?

მესამე პირისადმი პასუხისმგებლობის დაზღვევა (მპპდ) ანაზღაურებს ავტოავარიის შედეგად მესამე პირის ქონების ან ჯანმრთელობის დაზიანებით გამოწვეულ ხარჯებს. ასეთი ტიპის დაზღვევა ევროპის ქვეყნებში ჯერ კიდევ მეოცე საუკუნის დასაწყისიდან არსებობს.

რისთვის გჭირდება მპპდ?

ბევრ ქვეყანაში მპპდ სავალდებულო დაზღვევაა. საუბარი ჩვენთანაც დაიწყო და შესაბამისი კანონპროექტიც გამზადდა, რის საფუძველზეც მპპდ ჩვენთანაც სავალდებულო გახდება. ამას გარდა იგი ძალზე პრაქტიკული საშუალებაა ასეთ უსიამოვნო სიტუაციებში: თუ შენ სხვის ავტომობილს ან ფეხით მოსიარულეს დაეჯახე და დადგინდა, რომ ამაში დამნაშავე შენ ხარ, დაზარალებულის კომპენსაციისთვის თანხების სახელდახელოდ მოძიება აღარ მოგიწევს — მპპდ ამას შენს მაგივრად გააკეთებს.

რისგან გიცავს მპპდ?

ამგვარი გაუთვალისწინებელი ხარჯების სწრაფად მოძიება ყოველთვის პრობლემურია, მითუმეტეს, როდესაც საქმე სხვისთვის ზიანის ანაზღაურებას ეხება. მპპდ გიცავს ამგვარი რისკისგან და "ხელფასამდე" ახლობლების შეწუხება აღარ მოგიწევს.

რას ანაზღაურებს მპპდ?

მპპდ მოქმედებას ავარიის ადგილიდანვე იწყებს. ზარალის მენეჯერი ოპერატიულად შეაფასებს არსებულ სიტუაციას და შენს ნაცვლად დაიწყებს პრობლემების მოგვარებას. შესაძლოა, შენს მიერ დაზიანებული მანქანა ევაკუატორის გადასაყვანი გახდეს. მპპდ ამაშიც კი დაგეხმარება და რაც მთავარია იგი ანაზღაურებს არა მარტო შენს მიერ დაზიანებულ სხვის მანქანას, არამედ ზოგადად, ნებისმიერი სახის ქონებას, რომელიც შენ დააზიანე, იქნება ეს განათების ბოძი თუ რაიმე სხვა.

რა ღირებულების ზიანს აანაზღაურებს მპპდ?

ეს ყოველივე შენს მიერ შეძენილ პოლისზეა დამოკიდებული. დაზღვევის ეს ფორმა გათვლილია 5 000$-დან 100 000$ ზარალის ანაზღაურებაზე. დამატებითი ინფორმაცია შეგიძლია აქ მოიძიო.

რა დროს არ მოქმედებს მპპდ?

მპპდ-ს ვერ გამოიყენებ იმ შემთხვევაში თუ საჭესთან არაფხიზელი იჯექი. ან თუ ავტომობილს მაინც მართავდი, როდესაც მართვის მოწმობა ჩამორთმეული გქონდა.

რატომ მაინცადამაინც ახლა?

თუ 1 ოქტომბრამდე ავტოდაზღვევას ალდაგში შეიძენ, საჩუქრად გადმოგეცემა მესამე პირისადმი პასუხისმგებლობის დაზღვევა, იგივე მპპდ.

დამატებითი საჩუქრები კი ავტოდაზღვევის შემძენთათვის შემდეგია:

  • 15 თეთრიანი მომენტალური ფასდაკლება საწვავზე სოკარის ქსელში;
  • 12 თეთრიანი მომენტალური ფასდაკლება საწვავზე ვისოლის ქსელში;
  • 15%-იანი ფასდაკლება სრულ პროდუქციასა და მომსახურებაზე ვიანორში;
  • 20%-მდე ფასდაკლება ამბოლში;
  • ტექინსპექტირების 50%-იანი ფასდაკლების ვაუჩერი.