დეპუტატი ემზარ კვიციანი პარლამენტთან მომხდარ ინციდენტში პოლიციასაც ადანაშაულებს. ის ამტკიცებს, რომ პოლიციამ არ დაიცვა.

"იმის ნაცვლად რომ დავეცავი პარლამენტარი, მე შემბოჭა, იმათ კიდე თავისუფლება მისცა. რას ნიშნავს ეს?... თავდასხმაში მონაწილეობა თვითონ პოლიციელმაც მიიღო და ჟურნალისტებმაც" — განაცხადა ემზარ კვიციანმა.

პატრიოტთა ალიანსის დეპუტატი ფიქრობს, რომ 8 სექტემბერს სირცხვილიას აქტივისტები ცხვრებით, ჟურნალისტები კი მიკროფონებით დაესხნენ თავს. ის მომხდარს პროვოკაციად აფასებს და ამბობს, რომ მისი აგრესიული ქმედებები მოგერიება იყო. ინციდენტისას კვიციანმა აქციის მონაწილეებსა და სამართალდამცავებს სიტყვიერი და ფიზიკური შეურაცხყოფა მიაყენა, ის ასევე, აფურთხებდა აქტივსიტებს. ერთ-ერთი მათგანს, ზუკა ბერძენიშვილს მან სამჯერ დაარტყა.

ამავე თემაზე: