ქართული ოცნების აღმასრულებელი მდივანი ირაკლი კობახიძე მარნეულში ნაციონალურ მოძრაობას სიტუაციის ხელოვნურად არევაში და პროვოკაციაში ადანაშაულებს. მისი განცხადებით, ისინი ფიზიკური დაპირისპირების პროვოცირებას ცდილობენ:

"ჩვენი ინფორმაციით, მარნეულის რაიონში ნაციონალური მოძრაობის წევრები და მათი მხარდაჭერები გეგმავენ სიტუაციის ხელოვნურად არევას. ისინი ცდილობენ ფიზიკური დაპირსპირების პროვოცირებას. ეს ხდება კონკრეტულად მარნეულის რაიონის სოფელ ყიზილაჯლოში, კერძოდ, 48-ე 49-ე და 59-ე უბნებზე, სადაც მათი წინასწარი ინფორმაციით და ასევე ჩვენი ინფორმაციითაც ნაციონალური მოძრაობა აგებს არჩევნებს. ამ უბნებზე შეკრებილია 100-მდე მხარდამჭერი და ცდილობენ არეულობის პროვოცირებას".