მას შემდეგ, რაც პრემიერ-მინისტრობის კანდიდატმა, გიორგი გახარიამ ნაციონალურ მოძრაობას განუცხადა, რომ "მათ დაასრულებდა" მან დეპუტატ სალომე სამადაშვილს მიმართა: "გირჩევთ, ქალბატონო სალომე, თვალიდან ხელი მოიშოროთ და სიმართლეს თვალი გაუსწოროთ".

ამ დროს სალომე სამადაშვილი გიორგი გახარიას 20-21 ივნისის დროს დაზარალებულების კადრებს აჩვენებდა და მოითხოვდა ეპასუხა კითხვაზე, თუ რატომ არ უშვებენ აქციის დაშლის დროს დაშავებულ მაკო გომურს პარლამენტში.

გახარიამ ნაციონალებს ქუჩის ოპოზიციაც უწოდა და განაცხადა, რომ 2020 წელს ისინი ქუჩაში დარჩებიან.

თვალზე აფარებული ხელი 20-21 ივნისის მოვლენების საპროტესტო ფორმა გახდა, რადგან აქციაზე რამდენიმე ადამიანმა, მათ შორის მაკო გომურმა თვალი დაკარგა. აქტივისტებთან ერთად თვალზეხელაფარებულ ფოტოს იღებდნენ სხვადასხვა სფეროს წარმომადგენელი ცნობილი ადამიანები, მათ შორის ოპოზიციონერი პოლიტიკოსები.

გახარიას პრემიერობით მთავრობის ე.წ. ახალ შემადგენლობას ძველი სახეებით პარლამენტში ფრაქციის ფორმატში უსმენენ. დღეს, გიორგი გახარიას და მის დაკომპლექტებულ მთავრობას კითხვებს ნაციონალური მოძრაობისა და ევროპული საქართველოს დეპუტატები დაუსვამენ. ხვალ კი მთავრობის მოსმენა ქართული ოცნებისა და პარტიოტთა ალიანსის ფრაქციის ფორმატში გაგრძელდება.

გაიაგეთ მეტი: