საერთო-სამოქალაქო მოძრაობა მრავალეროვანი საქართველოს წარმომადგენელმა კენჭისყრის პროცესის მიმდინარეობის შესახებ განცხადებით მიმართა მედიის წარმომადგენლებს.

ორგანიზაციის წარმომადგენლის თქმით, ამ დროისთვის ორგანიზაციის მოკლევადიანი დამკვირვებლებმა დარღვევის შემდეგი ფაქტები გამოავლინეს:

  • საარჩევნო უბანზე აგიტაციის 1 ფაქტი;
  • დამკვირვებლის უფლების უკანონოდ შეზღუდვის 2 ფაქტი;
  • უბანზე არაუფლებამოსილი პირების ყოფნის 6 ფაქტი;
  • საარჩევნო მასალის დაზიანების 1 ფაქტი;
  • საარჩევნო დოკუმენტაციის არასათანადოდ წარმოების 1 ფაქტი;
  • წილისყრის არჩატარების 1 ფაქტი;
  • ბიულეტენის არ დამოწმების 1 ფაქტი;
  • კენჭისყრის ფარულობის დარღვევის 2 ფაქტი;
  • მარკირების შემოწმება/გაკეთების გარეშე ხმის მიცემის 2 ფაქტი;
  • არასათანადო დოკუმენტაციით ხმის მიცემის 8 ფაქტი;
  • ძირითადი საარჩევნო ყუთის არასათანადოდ დალუქვის 1 ფაქტი;
  • საარჩევნო უბნის დროზე ადრე გახსნის 1 ფაქტი.