უკრაინის უმაღლესი რადას დეპუტატებს 2020 წლის პირველი იანვრიდან იმუნიტეტი აღარ დაიცავთ. აღნიშნულ საკონსტიტუციო ცვლილებას 404 დეპუტატიდან 373-მა დაუჭირა მხარი, მათგან 252 ხალხის მსახურის წევრია.

კანონის ძალაში შესვლის შემდეგ დეპუტატის სისხლისსამართლებრივ პასუხისგებაში მიცემისთვის ან დაკავებისთვის პარლამენტის თანხმობა საჭირო აღარ იქნება. ამავე დროს, დეპუტატების კენჭისყრას ან პარლამენტში გაკეთებულ განცხადებებს იურიდიული პასუხისმგებლობა არ მოჰყვება.

"მინდა გავფანტო ყველა მითი და პოლიტიკური მანიპულაცია. დეპუტატები არ აგებენ პასუხს პოლიტიკურ გადაწყვეტილებებზე, კენჭისყრაზე ან პოლიტიკურ გამოსვლაზე", — განაცხადა უკრაინის პრეზიდენტმა, ვოლოდიმირ ზელენსკიმ.

დეპუტატების იმუნიტეტის გაუქმებაზე საუბარი ჯერ კიდევ 2017 წელს დაიწყეს. კანონპროექტი, რომელსაც რადამ მხარი დაუჭირა ყოფილმა პრეზიდენტმა, პეტრო პოროშენკომ შეიტანა.