საქართველოს კომუნიკაციების კომისიამ TV პირველი 23 513 ლარით დააჯარიმა. კომისიის განმარტებით, არხი მხატვრულ ფილმებს რეგულაციების გათვალისწინებით არ უშვებდა.

"2019 წლის 29 ივნისიდან 2 ივლისის პერიოდში ჩატარებულმა მონიტორინგმა აჩვენა, რომ TV პირველის ეთერში ნაჩვენებია ფილმები, რომლის მართლზომიერი ჩვენების უფლების დამადასტურებელი დოკუმენტაცია კომპანიას არ გააჩნია. კომისიის მხრიდან არაერთი მცდელობისა და კომპანიისთვის დამატებითი ვადის მიცემის მიზნით კომისიის სხდომების გადადების მიუხედავად, ტელეკომპანიამ აღნიშნულ ფილმებზე შესაბამისი დოკუმენტაცია არ წამოადგინა", — აღნიშავს კომისია.

უწყებაში განმარტავენ, რომ ამ მიზეზით არხი ერთხელ უკვე გააფრთხილეს და ერთხელ დააჯარიმეს. პირველი ჯარიმა 3 497 ლარია.