ევროპული საქართველოს წევრი, ელენე ხოშტარია ამბობს, რომ პრემიერ-მინისტრობის პოსტზე გიორგი გახარიას წარდგენა საზოგადოების შეურაცხყოფაა. ამის შესახებ მან ჟურნალისტებს პარლამენტთან განუცხადა.

"[ეს არის იმ საზოგადების შეურაცხყოფა], რომელიც სამი თვის განმავლობაში მშვიდობიანად და უწყვეტად აპროტესტებდა გახარიას და ქართული ოცნების მხრიდან სისასტიკეს, ძალადობას, კანონდარღვევას", — ამბობს ხოშტარია.

მისივე თქმით, გარდა ამისა, ეს არის დემოკრატიის გათელვა.

"ეს არის განაცხადი ივანიშვილისგან, რომ მინისტრი, რომელიც არღვევს კანონს, რომელიც არის ჯალათი და მოძალადე, რომელზეც საზოგადოება მღერის, რომ ის არის თვალთხარია და მას უხარია თვალების დათხრა, სწორედ ის დანიშნა პრემიერ-მინისტრად. ეს არის მათი დასასრულის დასაწყისი იმიტომ, რომ საზოგადოებასთან ამ ენით საუბარი ყოველთვის მთავრდება ხელისუფლების დასრულებით. ის აუცილებლად მიიღებს ძალიან მძლავ პროტესტს, რომელიც მას აიძულებს არჩევნების გზით წავიდეს ხელისუფლებიდან", — აღნიშნა ხოშტარიამ.

გიორგი გახარია პრემიერობის კანდიდატად დღეს, 3 სექტემბერს წარადგინეს.