ისტორიულ მატჩში ბორჯღალოსნები შოტლანდიასთან ანგარიშით 10:44 დამარცხდნენ. ბორჯღალოსნებმა საქართველოს ისტორიაში პირველად ითამაშეს პირველი დონის გუნდთან თბილისში.

ნაკრებს პირველი 3 ქულა ჯარიმით მოუტანა სოსო მათიაშვილმა. პირველი ტაიმი ანგარიშით 3:23 დასრულდა. მეორე ტაიმში კარლენ ასეიშვილმა ლელო დადო, თედო აბჟანდაძემ კი გარდასახვა შეასრულა და ანგარიში 10:30 გახდა.

დღეს ნაკრებს პირველად კაპიტნობდა მიხეილ ნარიაშვილი.

ბორჯღალოსნები იაპონიაში გასამართი მსოფლიო თასისთვის ემზადებიან. ჩემპიონატის დაწყებამდე საქართველო შოტლანდიასთან კიდევ ერთ მატჩს ითამაშებს, რომელიც 6 სექტემბერს მარიფილდის სტადიონზე გაიმართება.

სპეციალურად მსოფლიო თასისთვის ნაკრებში დაუბრუნა მამუკა გორგოძე.